Legitimidad y contenido de la intervención penal en materia de residuos

Resumo

As actividades irregulares de xestión de residuos poñen en perigo grave ao medio ambiente. Ante esta realidade, as institucións da Unión Europea instaron aos Estados Membros a criminalizar unha serie de condutas relacionadas coa xestión de residuos a través da Directiva 2008/99/CE. Como resultado da súa transposición ao ordenamento xurídico español, o art. 326 CP contén dous delitos diferenciados que configuran a intervención penal en materia de residuos: o delito de xestión ilegal de residuos e o delito de traslado ilícito de residuos. A presente tese doutoral aborda o estudo deste ámbito da criminalidade medioambiental, que ten sido tradicionalmente esquecido pola doutrina penal española. Para iso, o traballo divídese en dúas partes diferenciadas. En primeiro lugar, analízase a lexitimidade da intervención penal en materia de residuos. Para iso, emprégase a concepción procedimental do ben xurídico, cuxos postulados permiten analizar a xustificación moral, política e instrumental da intervención xurídica coactiva. En segundo lugar, realízase unha análise xurídico-dogmática dos delitos tipificados no art. 326 CP coa finalidade de ofrecer unha protección medioambiental eficaz que resulte coherente co respecto das garantías penais.